1. Waar kan ek uitvind of ek uitstaande verkeersboetes het?
2. Waar kan ek my spoedkamerafoto sien?
3. Hoe kan ek my verkeersboete betaal?
4. Kan ek my verkeersboete elektronies betaal?

Bel die Laingsburg-verkeersdepartement by 023 551 1890 of die Provinsiale Verkeersentrum by 023 551 1021. Jy kan ook e-pos stuur aan laingsburg@ddsonline.co.za met jou navraag.

Jy kan jou spoedkamerafoto by die Laingsburg-veeldoelige Gemeenskapsentrum sien, van Maandag tot Vrydag 9vm tot 12vm. Onthou om die verwysingsnommer op jou verkeerskaartjie saam te bring.

As jy betaal voor die sperdatum , kan jy jou verkeersboete betaal per tjek, kontant of posorder by die adres wat genoem word op jou verkeersboete.

• Tjeks en posorders behoort uitgemaak te word aan die Laingsburg-munisipaliteit.
• Jy kan óf persoonlik betaal by die verkeersdepartement (kry die adres by Munisipale Verkeersdepartemente) óf betaling pos aan Privaatsak X4, Laingsburg, 6900.
• Weens die vlakke van bedrog en diefstal in die Poskantoor word aanbeveel dat kontantbetalings by die verkeersdepartement gedoen word.

Let asseblief daarop dat Laingsburg-verkeersboetes NIE betaal kan word by ENB OTM'me, per EasyPay, by polisiestasies of howe nie.

Ja. Jy kan ook jou boete per elektroniese oordrag betaal aan:

Rekeninghouer: Laingsburg Munisipaliteit
Bank: ABSA
Taknommer: 632005
Rekeningnommer: 2540140874