1. Ndingafumanisa phi ukuba ndinetyala lesiphoso sendlela endingekalihlawuli?
2. Ndingawujonga ndiwuqinisekise phi umfanekiso othatyathwe yikhamera yesantya?
3. Ndingasihlawula njani isohlwayo sesiphoso sendlela?
4. Ndingasihlawula isohlwayo sam sesiphoso sendlela kumatshini webhanki?

Tsalela iSebe Lezendlela laseLaingsburg kule nombolo yomnxeba 023 551 1890 okanye iziko Lezendlela leli Phondo kule nombolo 023 551 1021. Usenakho kanti nokuthumela I-email kule dilesi laingsburg@ddsonline.co.za ubuze loo nto ungayiqondiyo.

Ungawujonga umfanekiso othatyathwe yikhamera yesantya ngeenjongo zokuqinisekisa ukuba ngokwenene nguwe okanye sisithuthi sakho eso sikuwo kwiZiko Loluntu laseLaingsburg Multipurpose, kwikona yeMain neThird Avenue, ukusukela ngentasimbi yethoba ekuseni ukuya ngentsimbi yeshumi elinesibini emini. Ukhumbule ukuza nennombolo yeso sohlwayo oya kuyifumana kwitikiti elo.

Ukuba uhlawula ngaphambi kosuku olukhankanywe kwitikiti elo, ungasihlawula isohlwayo eso ngentsheki, ngemali eziinkozo okanye ngamaphetshana okwenza intlawulo aseposini kwidilesi ekhankanywe apho kuso.

• Iitsheki kwakunye namaphetshana okwenza iintlawulo aseposini kufuneka abhalwe egameni likaMaspala waseLaingsburg.
• Le ntlawulo ke ungayenza ngokuya ngokwakho buqu kweli sebe lezendlela (fumana ke idilesi kwesi sikhyundla Municipal Traffic Departments) okanye uyithumele ngeposi kule dilesi: Private Bag X4, eLaingsburg, 6900.
• Ngenxa ke yobuzaza bobuqhetseba nobusela kwiCandelo Leeposi, umntu uyacetyiswa ukuba aye kuhlawula ngokwakhe kweli sebe lezendlela.

Nceda ke uqwalasele ukuba izohlwayo zeziphoso zendlela ezenzeke eLaingsburg AZINAKHO TUukuhlawulwa koomatshini bebhanki iFNB, nge-EasyPay, kwisikhululo zamapolisa okanye ezinkundleni.

Ewe. Ungakwazi ukuhlawula isohlwayo sakho sesiphoso sendlela kumatshini webhanki kule akhawunti:

Umnini-akhawunti: nguMaspala waseLaingsburg
iBhanki: ABSA
Ikhowudi Yesebe: 632005
Inombolo Ye-akhawunti: 2540140874