| English | | | Afrikaans | | | Malunga | | | Qhagamshelana | | | Uncedo | | | Funa nzulu | |
INKCAZELO: |
Inkqubo Yoncedo Lokuthengiswa Nokubhengezwa Kwezotyelelo Kumazwe Angaphandle (iITMAS ngamafutshane) inika amashishini ingxenye yembuyekezo ngenkcitho yawo kwiintshukumo zokuphuhlisa nouthengisa ezotyelelo eMzantsi Afrika. Enye yeenjongo zale nkqubo kukuncedisa iinkampani zaseMzantsi Afrika ukuba zibhengeze iimveliso zazo zezotyelelo kumazwe angaphandle ngokuthi zivelise iincwadana ezineenkcukacha, amaphetshana angotyelelo kweli lizwe, ukuya kubonisa ngeemveliso zazo ngeendlela ezininzi zokubhengeza, ulwazi olufakwe kwikhompyutha okanye nazo naziphi na izixhobo zokubhengeza ezotyelelo kumazwe angaphandle. Imbuyekezo inikezelwa ngokuyilwa, ukuhlanganiswa, ukuveliswa, ukukhutshwa, ukuphinda kukhutshwe kwanokusasazwa kwezixhobo zokubhengeza ezo mveliso kumazwe angaphandle. Uncedo luya kunikezelwa kuphela ngezixhobo ezanzelwe ukuthengisa nokubhengeza iimveliso zotyelelo kumazwe angaphandle. |
IMIYALELO: |
Xa ufuna ulwazi ngale nkqubo, kuquka neemfuno zokuze ube nakho ukufumana imbuyekezo, jonga i-kwi-Guidelines in Respect of the International Tourism Marketing Assistance Scheme. Amashishini anomdla kufuneka afake izicelo kwiSebe leMicimbi Yendalo Engqongileyo Nokhenketho ukuze bazibhalise njengamaqela athatha inxaxheba kule nkqubo. Izicelo zobhaliso ziya kuvavanywa ekuqinisekiseni ukuba ziyavumelana nomgaqo omisiweyo, emva koko, aya kwaziswa ukuba izicelo zabo zamkelwe na okanye zokhatyiwe. Iphetshana lesicelo sokubhaliswa lingafumaneka kwesi sikhundla soqhagamshelwano ngekhompyutha - Application for Registration to Participate in the International Tourism Marketing Assistance Scheme (ITMAS) - okanye uyicele kwiSebe Lemicimbi Yendalo Engqongileyo Nokhenketho nakwiSebe Lophuhliso Loqoqosho Mokhenketho eNtshona Koloni. Amaphetshana ezicelo ezigcwalisiweyo kufuneka zibuyiselwe kule dilesi ilandelayo: Xa sele ushishino lwakho lwamkelwe kule nkqubo, kufuneka ugcwalise iphetshana elingqina oko kwesi sikhundla soqhagamshelwano ngekhompyutha - Application for Financial Assistance for the Production and Distribution of International Tourism Marketing Materials ukuze ufake ibango lokuncediswa ngenkxaso-mali. Luxanduva lwakho ukufumana ukwamkelwa ngaphambi kokuzifaka kwiindleko ezinento yokwenza nale nkqubo. Amaphtshana ezicelo agcwalisiweyo kufuneka athunyelwe kule dilesi ingentla apha. |
|
ICANDELO LIKARHULUMENTE:
|
Isebe Lemicimbi Yendalo Engqongileyo Nezotyelelo (The Government of South Africa) |
|
|
I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe |  |