Inkxaso-mali esuka kwiNkqubo yoDanjiso lweNdlala

INKCAZELO:

Inkqubo yokudanjiswa kwendlala yasekwa ngurhulumente ekunciphiseni indlala eMzantsi Afrika. Icandelo lezokhenketho kwiSebe leMicimbi yeNdalo esiNgqongileyo noKhenketho lwabelwa ingxowa-mali yokuxhasa iiprojekthi eziluhlobo oluthile lwezokhenketho. Le ngxowa-mali ijolise:

ekudaleni imisebenzi kuphuhliso lwezibonelelo zomsebenzi kwezokhenketho
ekuphuhliseni imveliso entsha kwezokhenketho
ekunikezeleni uqeqesho nolwakhiwo lwezikhundla
ekuqinisekiseni ukuba ezi projekthi ziyagcinakala ixesha elide.

Kuphela ziiprojekthi ezisekelwe kuluntu kwimimandla nezingezizo ezomntu ngamnye ezinokuthi zifumane inzuzo kule ngxowa-mali. Kuphela ziitrasti zoluntu kwimimandla okanye iinkampani zeCandelo 21 ezimelwe ngokwaneleyo kwimimandla eziya kuthi ziqwalaselwe ekufumaneni le nkxaso-mali.

IMIYALELO:

Iinkcukacha ezigcweleyo zendlela emisiweyo yokhetho kule nkxaso-mali kunye nezicelo neenkqubo zovavanyo ziyafumaneka kule ncwadi, yeeNkqubo zeNkxaso kumaShishini ezoKhenketho, nepapashwe liSebe leMicimbi yeNdalo esiNgqongileyo noKhenketho kunye neSebe loRhwebo noShishino. Xa ufuna iinkcukacha ezingezinye, qhagamshelana no-:
Mahandra Naidoo
Inombolo yefowuni: 012 310 3846
Ifeksi: 012 320 4740
mnaidoo@ozone.pwv.gov.za

IBONELELWA LISEBE:

ICANDELO LIKARHULUMENTE:	Isebe Lemicimbi Yendalo Engqongileyo Nezotyelelo (The Government of South Africa)

ICANDELO LIKARHULUMENTE:

Isebe Lemicimbi Yendalo Engqongileyo Nezotyelelo (The Government of South Africa)

Umxholo okweli phepha wagqibela ukuhlaziywa nge- 24 uDisemba 2003

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe