iBambanani Against Crime - Ikhaya Elikhuselekileyo Kuthi Sonke Kwezi Holide Zokuphela Konyaka
INJONGO: |
Iphulo iBambanani Against Crime lijolise ekuqinisekiseni ukuba iiholide zokuphela konyaka zika2004/2005 zikhuselekile ngokuthi landise ukubonakala nokufikeleleka kwamapolisa kwiindawo ezixakekileyo, kuquka iilwandle, oololiwe kwanamaziko aneevenkile. |
ISIQALO: |
27 uNovemba 2004 |
ISIPHELO: |
31 uJanuwari 2005 |
INKCAZELO: |
 Ikhaya Elikhuselekileyo Kuthi Sonke Ezindleleni Zethu  Ikhaya Elikhuselekileyo Kuthi Sonke Kwiilwandle Zethu  Ikhaya Elikhuselekileyo Kuthi Sonke Koololiwe Bethu  Ikhaya Elikhuselekileyo Kuwo Onke Amanina Nabantwana  Ikhaya Elikhuselekileyo Kuthi Sonke Kwiindawo Esihlala Kuzo | Kwiiholide zehlobo lika-2004/2005 amapolisa namanye amaqumrhu ajongene nokunyanzeliswa kokuthotyelwa komthetho ekunye namavolontiya asekuhlaleni kwakunye namalungu amaqoqo ajongene nolwaphulo-mthetho kwiingingqi ezithile aya kube athabatha inxaxheba kwiPhulo Leeholide Ezikhuselekileyo ukuqinisekisa ukuba abemi nabatyeleli bonwabela iKrismesi noNyaka Omtsha omyoli nokhuselekileyo. | iBambanani Against Crime ka-2003/2004 Iphulo lonyaka ophelileyo leeholide zokuphela konyaka ezikhuselekileyo zakhokelela kwelona xesha leeholide zokuphela konyaka likhuselekileyo eNtshona Koloni kwishumi leminyaka. Xa ithelekiswa kwaneli xesha kunayaka ongaphambili: Ukubulawa kwabantu kwehla ngamashumi amathathu anesine ekhulwini
Amalinge okubulala ehla ngamashumi amathathu ananye ekhulwini
Udlwengulo lwehla ngeshumi elinesibini ekhulwini |
Eli phulo lijolise: - ekuhlaleni - ngokuthi kuthunyelwe amagosa okhuselo kwiingingqi zokuhlala ezinobungozi kakhulu kwanokubeka ixesha lokuvalwa kweendawo ezithengisa nekuselelwa kuzo utywala
- iilwandle - ngokunyanzeliswa kokuvalwa kokuselwa kotywala kwanokongeza ukhuseleko kwiilwandle nokwenza amalungiselelo eentshukumo zokuzonwabisa
- oololiwe - ngokongezwa kokhuseleko, kuquka nokukhangelwa kwezikhali nezinye izinto ezinobungozi rhoqo kwakunye nolunye ukhuselo lwabakhweli boololiwe
- ezindleleni - ngokuthi kujongwane nokuqhutywa kwezithuthi abantu bephantsi kweempembelelo zotywala, ukumiswa kwezithuthi ezindleleni kwakunye neenkundla ezizodwa kwimigaqo u-N1 no-N2.
- kumaziko aneevenkile, kwiintshukumo zoluntu nezasekuhlaleni - ngokuthi kwandiswe ukhuseleko.
| "Onke amaqumrhu ethu okunyanzeliswa kokuthotyelwa komthetho, akhokelwa yiNkonzo Yobupolisa yaseMzantsi Afrika, ndawonye namapolisa kamaspala wethu, amagosa omthetho asekuhlaleni namagosa ezendlela, ngentsebenziswano namaqurhu asekuhlaleni afana neeCPF kwakunye namaqurhu ajongana nolwaphulo -mthetho kwiingingqi ezithile, aya kube ewavule onke amehlo kwezi holide zokuphela konyaka" uMphathiswa uLeonard Ramatlakane, uMphathiswa Wokhuseleko Loluntu eNtshona Koloni |
Iingingqi ekujoliswe kuzo ikakhulu zezi: - iCape Flats
- iBoland
- uMzantsi Kapa.
| iBambanani (igama lesiXhosa elithetha ukuthi yimani kunye/manyanani) lenzelwe ukumanya bonke abantu namahlakani ekulweni ulwaphulo-mthetho. IBambanani le iphuhlisa futhi iphakamise ubudlelwane phakathi kwamapolisa noluntu ekuhlaleni futhi ikwakhuthaza nokuba uluntu luzidle ngendima yalo ekuthintelweni kolwaphulo-mthetho. | | |
|
IXHASWA NGEZIMALI YI-: |
Isebe Lokhuseleko loLuntu (uRhulumente Wephondo leNtshona Kapa)
|
Umxholo okweli phepha wagqibela ukuhlaziywa nge- 10 uDisemba 2004
|
|
I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe |
 |
